Fuqizimi i të rinjëve përmes bashkëpunimit mes akterëve të ndryshëm

Programi i UNICEF-it në Kosovë organizoi një tryezë të rrumbullakët me fokus në fuqizimin e të rinjve, duke bashkuar aktorë nga institucionet publike, shoqëria civile dhe sektori privat.

Gjatë kësaj tryeze u prezantua modeli trepalësh i bashkëpunimit midis Ministrisë së Financave, Punës dhe Transfereve (MFPT), UNICEF-it dhe Rrjetit CSR Kosova. Ky partneritet, i cili do të zgjasë për dy vitet e ardhshme, ka për qëllim të fuqizojë punësimin dhe aftësitë e të rinjve duke ofruar përvoja pune praktike dhe mundësi mentorimi.

Ky bashkëpunim do të promovojë praktikat më të mira për krijimin e rrugëve të qëndrueshme që lehtësojnë hyrjen e të rinjve në tregun e punës dhe zhvillimin e kompetencave profesionale. Duke kombinuar resurset dhe ekspertizën e institucioneve publike, shoqërisë civile dhe sektorit privat, iniciativa synon të sigurojë që të rinjtë të marrin mbështetje të plotë, duke përfshirë vendet e punës praktike, mentorimin dhe udhëzimin që nxisin zhvillimin personal dhe profesional.

Ky qasje e bashkëpunimit trepalësh nën Generation Unlimited nënvizon përkushtimin për krijimin e një ndikimi afatgjatë mbi punësimin e të rinjve, duke i pajisur ata me aftësitë, përvojën dhe besimin e nevojshëm për t’u zhvilluar në tregun e punës në ndryshim e sipër.