“Aftësitë për Punët e Shekullit 21” – Samiti i SDG në Bruksel

Rrjeti CSR Kosova ka kënaqësinë të njoftojë se Drejtoresha Ekzekutive, Linda Tahiri, do të jetë folëse në Samitin e SDG në Bruksel në tryezën e rrumbullakët me titull “Aftësitë për Punët e Shekullit 21”, që do të mbahet më 6–7 maj.

Gjatë diskutimit, ajo do të prezantojë punën e Rrjetit CSR Kosova në mbështetjen e zhvillimit të rinisë dhe forcimin e aftësive të nevojshme për tregun e punës. Sesioni do të fokusohet në rolin e bizneseve, institucioneve dhe partneriteteve në përgatitjen e të rinjve për kërkesat e punësimit në të ardhmen, në përputhje me Objektivat e Zhvillimit të Qëndrueshëm.

Pjesëmarrja në këtë ngjarje ndërkombëtare të nivelit të lartë thekson përkushtimin e Rrjetit CSR Kosova për të kontribuar në diskutimet globale mbi zhvillimin e qëndrueshëm dhe fuqizimin e rinisë.