Fillon bashkëpunimi mes Shield Brokers dhe Kosovo CSR Network

Kosovo CSR Network ka kënaqësinë të njoftojë fillimin e bashkëpunimit me Shield Brokers, duke zgjeruar rrjetin e partnerëve që kontribuojnë në promovimin e përgjegjësisë shoqërore dhe zhvillimit të qëndrueshëm në Kosovë.

Shield Brokers Sh.A. është kompani brokere e sigurimeve e licencuar nga Banka Qendrore e Kosovës, me përvojë të gjerë në fushën e sigurimeve, risigurimeve dhe menaxhimit të rrezikut. Me një ekip profesional dhe bashkëpunime ndërkombëtare me kompani si Greco JLT dhe Renomia Brokers, kompania ka ndërtuar një pozicion të rëndësishëm në treg.

Ky bashkëpunim krijon mundësi të reja për iniciativa të përbashkëta dhe kontribuon në përhapjen e mëtejshme të praktikave të përgjegjshme të biznesit në Kosovë.