SDG dhe Transformimi i Bizneseve – Ngjarje e organizuar gjatë Javës Globale të Ndërmarrësisë

Në kuadër të Javës Globale të Ndërmarrësisë, Rrjeti CSR Kosova organizoi ngjarjen “SDG dhe Transformimi i Bizneseve”, një trajnim interaktiv dhe praktik mbi Objektivat e Zhvillimit të Qëndrueshëm (SDG).

Sesioni u mbajt nga znj. Linda Tahiri Rukiqi, Drejtoreshë Ekzekutive e Rrjetit CSR Kosova, dhe znj. Antigona Limani Bejtullahu, përfaqësuese e Raiffeisen Bank Kosova. Folëset prezantuan shembuj konkretë se si bizneset mund të harmonizojnë strategjitë dhe operacionet e tyre me SDG-të dhe të transformojnë praktikat e tyre për të kontribuar në një të ardhme më të qëndrueshme.

Pjesëmarrësit patën mundësi të njihen me raste praktike të integrimit të qëndrueshmërisë në modelet e biznesit dhe me mënyrën se si praktikat e përgjegjshme mund të gjenerojnë ndikim social dhe vlerë afatgjatë për biznesin.

Ngjarja synoi të inkurajojë ndërmarrësinë që është inovative, e përgjegjshme dhe e harmonizuar me prioritetet globale të zhvillimit.