Meridian Express hap pikë të re në Prishtinë

Anëtari i Bordit të Rrjetit CSR Kosova, Meridian Express, ka hapur pikën më të re me koncept të ri në Rrugën B, në Prishtinë. Ky zgjerim përfaqëson një hap të rëndësishëm në zhvillimin e mëtejshëm të kompanisë dhe në forcimin e prezencës së saj në treg.

Përveç përkushtimit të vazhdueshëm ndaj konsumatorëve lojal, hapja e kësaj pike të re ndikon drejtpërdrejt në krijimin e vendeve të reja të punës, duke kontribuar pozitivisht në zhvillimin ekonomik të vendit.

Të qenurit kompani e përgjegjshme ndaj shoqërisë dhe e fokusuar në të mirën kolektive mbetet një ndër faktorët kyç të suksesit të Meridian Express. Përmes aktiviteteve të ndryshme, kompania vazhdon të promovojë praktikat e përgjegjësisë shoqërore, me theks të veçantë në mirëqenien dhe mbrojtjen e fëmijëve.