Menaxhimi i stresit gjatë karantinës me Florianën Bajrami

Në kuadër të projektit “Skema e Mentorimit”, Rrjeti CSR Kosova organizoi një seri ligjëratash virtuale me Florianën Bajrami, instruktore e përkushtuar e Yoga-s, e cila ndau praktika dhe këshilla për menaxhimin e stresit dhe emocioneve gjatë periudhës së karantinës.

Përmes këtyre sesioneve, pjesëmarrësit patën mundësinë të mësojnë më shumë rreth teknikave relaksuese, rëndësisë së kujdesit për mirëqenien mendore dhe fizike, si dhe mënyrave për të ruajtur balancën gjatë punës dhe mësimit nga shtëpia.

Këto aktivitete ofruan një hapësirë pozitive dhe mbështetëse për të rinjtë, duke kontribuar në reduktimin e stresit dhe promovimin e një stili jetese më të shëndetshëm.

Falënderojmë UNICEF Kosovo Programme dhe UNICEF Innovations Lab Kosovo për mbështetjen e vazhdueshme në realizimin e këtyre aktiviteteve.

“Skema e Mentorimit” implementohet nga Rrjeti CSR Kosova dhe përkrahet nga UNICEF Kosovo Programme.