Klubi i Prodhuesve të Kosovës mbështet komunitetin përmes iniciativave CSR

Anëtari mbështetës i Kosovo CSR Network, Klubi i Prodhuesve të Kosovës, është i angazhuar vazhdimisht në iniciativa që kontribuojnë në mirëqenien e komunitetit dhe zhvillimin shoqëror.

Në bashkëpunim me fondacionin ERTEV, klubi ka mbështetur fëmijët pa përkujdesje prindërore dhe ata në rrezik, përmes programeve të SOS Fshatrave të Fëmijëve në Kosovë. Një ndër iniciativat e rëndësishme është edhe punëtoria “Made in Kosova”, e cila synon të fuqizojë të rinjtë përmes zhvillimit të vetëbesimit, kreativitetit dhe aftësive praktike.

Këto aktivitete ndihmojnë të rinjtë të përgatiten për të ardhmen, duke i mbështetur në zhvillimin personal dhe orientimin e tyre në karrierë.