Kosovo CSR Network Booth at ActivateTalKS

Rrjeti CSR Kosova mori pjesë në ngjarjen ActivateTalKS me një stendë informuese, ku Dea dhe Arlinda përfaqësuan Rrjetin dhe bashkëbiseduan me të rinj dhe pjesëmarrës të tjerë.

Gjatë aktivitetit, vizitorët e stendës u informuan rreth programit të mentorimit për të rinj dhe mundësive për vullnetarizëm të mbështetura nga Rrjeti CSR Kosova. Ekipi ndau informata se si të rinjtë mund të përfitojnë nga mentorimi, udhëzimi profesional dhe angazhimi në iniciativa me ndikim social.

Ngjarja ofroi një mundësi të rëndësishme për të krijuar kontakt të drejtpërdrejtë me të rinjtë dhe për të promovuar programe që inkurajojnë pjesëmarrjen aktive, zhvillimin e aftësive dhe ndikimin pozitiv në shoqëri.

Rrjeti CSR Kosova vazhdon të mbështesë iniciativa që fuqizojnë të rinjtë dhe forcojnë rolin e tyre në shoqëri.