Innovation Hub Gjilan mbështet zhvillimin profesional të të rinjve

Në kuadër të projektit “Skema e Mentorimit”, Kosovo CSR Network organizoi një sesion mentorimi me të rinjtë e komunës së Gjilanit në Innovation Hub Gjilan, me fokus në përdorimin profesional të rrjeteve sociale.

Mentoret Egzona Galica dhe Aurora Hyseni nga Meridian Express ndanë përvojën dhe njohuritë e tyre në fushën e komunikimit, marketingut digjital dhe marrëdhënieve me publikun, duke ofruar këshilla praktike për zhvillimin profesional të pjesëmarrësve.

Kosovo CSR Network vlerëson kontributin e vazhdueshëm të anëtarëve të saj, përfshirë Meridian Express, të cilët përmes angazhimit vullnetar mbështesin fuqizimin e të rinjve dhe zhvillimin e komunitetit.

Falënderojmë Innovation Hub Gjilan për bashkëpunimin dhe mbështetjen në organizimin e këtij aktiviteti.

Skema e Mentorimit është projekt i implementuar nga Kosovo CSR Network dhe i përkrahur nga UNICEF Kosovo Programme.