Ecje e organizuar për shënimin e Ditës së Tokës

Rrjeti CSR Kosova organizoi një aktivitet ecjeje në Liqenatin e bukur të Rugovës për të shënuar Ditën e Tokës dhe për të promovuar ndërgjegjësimin për mbrojtjen e mjedisit.

Ky aktivitet mblodhi anëtarë dhe mbështetës të Rrjetit në një përvojë të përbashkët që inkurajoi vlerësimin e natyrës dhe veprimin e përgjegjshëm ndaj saj.

Fondet e mbledhura gjatë këtij aktiviteti janë përdorur për mbjelljen e pishave në zona që më parë ishin të mbushura me mbeturina dhe që janë pastruar paraprakisht. Mbjellja e drunjve do të vazhdojë edhe në ditët në vijim në lokacione të ndryshme.

Gjithashtu, përgjatë shtegut për në Liqenatin e Rugovës janë vendosur tabela prej druri me mesazhe për mbrojtjen e mjedisit, duke rikujtuar vizitorët për rëndësinë e ruajtjes së natyrës.

Përmes iniciativave të tilla, Rrjeti CSR Kosova vazhdon të promovojë praktika të përgjegjshme mjedisore dhe të kontribuojë në krijimin e komuniteteve më të pastra dhe më të gjelbra.