Donjeta Sahatçiu ndan përvojën e saj profesionale me të rinjtë

Në kuadër të ligjëratave virtuale të organizuara nga Rrjeti CSR Kosova, me përkrahjen e UNICEF Kosovo Programme, Donjeta Sahatçiu, Drejtore Ekzekutive & Partnere në kompaninë anëtare RROTA, u bashkua për të ndarë përvojën e saj profesionale me të rinjtë.

Gjatë këtij bashkëbisedimi inspirues, ajo ndau perspektivën e saj mbi zhvillimin profesional, rëndësinë e investimit në vetvete dhe ndjekjen e synimeve personale dhe profesionale. Të rinjtë patën mundësinë të përfitojnë nga këshillat dhe përvoja e saj, duke u motivuar për të ndërtuar rrugëtimin e tyre drejt suksesit.

Ky aktivitet u realizua në kuadër të projektit “Skema e Mentorimit”, duke reflektuar përkushtimin e vazhdueshëm të Rrjetit CSR Kosova dhe partnerëve për të fuqizuar të rinjtë përmes përfshirjes aktive të profesionistëve nga sektori privat.