Bizneset me orientim në CSR Bashkëveprojnë me UN Global Compact

Shumë të lumtur për partneritetin me UN Kosovo Team për të organizuar një Sesion Informativ me United Nations Global Compact me një prezantim nga UNGC, për bizneset e orientuara në CSR dhe SDG - anëtarë të Rrjetit CSR Kosova, dhe biznese të tjera fitimprurëse të gatshme për të përqafuar parimet e zhvillimit të qëndrueshëm dhe tranzicionin në ekonomi qarkore.

Ky sesion ofroi një platformë për të ndarë njohuri, praktika të mira dhe shembuj konkretë mbi mënyrën se si bizneset mund të integrojnë objektivat e zhvillimit të qëndrueshëm në strategjitë e tyre operacionale dhe vendimmarrëse. Pjesëmarrësit patën mundësinë të lidhen me ekspertë të fushës, të diskutojnë sfidat dhe mundësitë e tranzicionit drejt një ekonomie më të gjelbër dhe të bashkëpunojnë për nisma që kontribuojnë në një shoqëri më të përgjegjshme dhe më të qëndrueshme.