Ligjëratë për CSR dhe SDG në Universitetin e Prishtinës

Në kuadër të temave për Përgjegjësi Shoqërore Korporative (CSR) dhe Objektivat e Zhvillimit të Qëndrueshëm (SDG), Drejtoresha Ekzekutive e Rrjetit CSR Kosova mbajti një ligjëratë në Universitetin e Prishtinës.

Ligjërata u fokusua në rëndësinë e praktikave të përgjegjshme të biznesit dhe rolin e sektorit privat në kontribuimin për zhvillim të qëndrueshëm. Studentët u njohën me parimet themelore të CSR dhe me rëndësinë e SDG-ve në kontekstin e zhvillimit ekonomik dhe shoqëror në Kosovë.

Gjatë diskutimit u theksua rëndësia e bashkëpunimit ndërmjet akademisë, sektorit privat dhe institucioneve për promovimin e lidershipit të përgjegjshëm dhe përgatitjen e profesionistëve të rinj për të kontribuar në mënyrë aktive në shoqëri.

Ligjërata të tilla synojnë rritjen e ndërgjegjësimit tek studentët për rëndësinë e CSR dhe zhvillimit të qëndrueshëm si pjesë integrale e praktikave moderne të biznesit.