Urime për Raiffeisen Bank në Kosovë për Çmimin FIDES

Rrjeti CSR Kosova ka kënaqësinë të ndajë një njoftim urimi për një nga anëtarët e saj kryesorë, Raiffeisen Bank në Kosovë, me rastin e marrjes së Çmimit FIDES për kontributin filantropik në nivel kombëtar.

Raiffeisen Bank zyrtarisht pranoi këtë çmim presidencial, i cili ndahet në kuadër të Forumit për Iniciativa Qytetare - FIQ dhe vlerëson punën dhe përpjekjet filantropike të institucioneve, bizneseve, diasporës dhe individëve në Kosovë.

Ky vlerësim dëshmon përkushtimin e vazhdueshëm të bankës në mbështetje të komunitetit dhe zhvillimit shoqëror në vend. Përmes iniciativave të saj, Raiffeisen Bank ka kontribuar në forcimin e kulturës së filantropisë dhe përgjegjësisë shoqërore.

Rrjeti CSR Kosova e përgëzon Raiffeisen Bank për këtë arritje të rëndësishme dhe për kontributin e saj të vazhdueshëm në promovimin e praktikave të përgjegjshme të biznesit në Kosovë.