Muaji i Ndërgjegjësimit për Kancerin e Gjirit

Tetori shënon Muajin e Ndërgjegjësimit për Kancerin e Gjirit, një fushatë globale që përfshin mijëra organizata dhe kompani në mbarë botën me qëllim rritjen e ndërgjegjësimit për këtë sëmundje dhe rëndësinë e zbulimit të hershëm.

Anëtarët e Rrjetit CSR Kosova iu bashkuan kësaj nisme për të theksuar rëndësinë e ndërgjegjësimit, parandalimit dhe diagnostikimit në kohë si faktorë kyç për rritjen e mbijetesës dhe përmirësimin e cilësisë së jetës.

Në kuadër të kësaj fushate, Rugove Corporation prezantoi një etiketë me moton “Zbulimi i hershëm i kancerit të gjirit – Mbijetesë”, duke theksuar se vetëm diagnostikimi i hershëm mundëson mbijetesë më të lartë, cilësi më të mirë të jetës dhe kosto më të ulëta të trajtimit.

Përmes iniciativave të tilla, kompanitë anëtare dëshmojnë përkushtimin e tyre në promovimin e ndërgjegjësimit shëndetësor dhe në ndërmarrjen e veprimeve të përgjegjshme ndaj shoqërisë.