Artë Retkoceri – Mentore vullnetare në Programin e Mentorimit

Artë Retkoceri është mentore vullnetare në Programin e Mentorimit në kuadër të projektit “Kosovo Generation Unlimited”. Ajo është e përkushtuar ndaj zgjerimit të vazhdueshëm të njohurive të saj dhe ndaj mbështetjes së të rinjve për të zhvilluar më tej aftësitë e tyre profesionale dhe personale.

Përmes angazhimit me Rrjetin CSR Kosova dhe organizata të tjera, Arta ka kontribuar në cilësinë e mentores në fuqizimin profesional të të rinjve kosovarë. Gjatë kësaj përvoje, ajo ka mbështetur dhe inkurajuar të rinjtë që të ndërmarrin hapa konkretë në adresimin e sfidave shoqërore me të cilat përballen.

Arta ka përfunduar studimet Master në fushën e Mësimit Permanent, përmes programit të kombinuar Erasmus në Danimarkë, Mbretëri të Bashkuar dhe Spanjë. Kjo përvojë ndërkombëtare ka qenë thelbësore për zhvillimin e saj akademik dhe profesional, veçanërisht në menaxhimin e projekteve dhe politikat e arsimit.

Ajo ka kontribuar gjithashtu si vullnetare në iniciativa që synojnë avancimin e arsimit, duke besuar fuqishëm se arsimi është një nga shtyllat kryesore të një shoqërie të zhvilluar. Sipas saj, çdo kontribut në këtë drejtim, sado i vogël, lë gjurmë të qëndrueshme dhe pozitive në komunitet.

Programi i Mentorimit është pjesë kyçe e projektit “Kosovo Generation Unlimited”, i cili implementohet nga Rrjeti CSR Kosova dhe mundësohet falë përkrahjes së Unicef Kosovo Programme, Austrian Development Agency dhe SIDA.